غەززەی بۆمبا
غەززەی عابا
بۆمباباران
لە ٸاسمانی سەرمایەوە
عابای پشوو-بڕی ٸایین،
عەرزی کێڵراو
بە زنجیری بێ-بەزەیی
دەبابەکان…
کام وشە؟!
کام ڕست؟
کام مانا؟
بۆمباباران
لە ٸاسمانی سەرمایەوە
ٸاگر ٸەبارێ و
سەر عەرزیش،
عابای پشووبڕی ٸایین،
شەوەی شوومن…
شەوەی شوومن
لەسەر ٸەرزی
بە زنجیری بێ-بەزەیی دەبابەکان
خاپوور کراو………
کام وشە؟!
کام ڕست؟
کام مانا؟
وشەکانیش پڕووزاون
لەم ٸاگرا؛
وشەکانیش پڕووزاون
چ جای پەڕ و باڵی مناڵ؛
ساوای مەعسووم!
پەڕ و باڵیان پڕووزاون
ناتوانن باڵ بوەشێنن
ساوای مەعسووم،
لە باڵەتەپێش بێ بەرین؛
چ جای باڵگرتنەوە و فڕین
بەرەو ٸاسمان،
بۆ بەهەشتی
ٸایینی هۆشبەری گەلان!
٭٭٭
لە ٸاسمانی سەرمایەوە،
ٸاگر؛ ٸاگر …
ٸەرزی سەرمایەش پشو-وبڕ
بە عابای هۆشبەری ٸایین!
ٸاسمان دوور و زەوی سەخت؛
ساوای پەڕ و باڵ پڕووزاو
لەگەل دایک و باوکی ماندوو
چارەنووسیان
لە ٸاسمان بێ یان لەسە عەرز
جەهەننەمی سەرمایە و بەس!
جەهەننەمی دێوی دزێوی سەرمایە
بەتەمایە
بازاڕی چەک-فرۆشتنی
گەرم و گڕاوي بێ و
بازاڕ
گیرفانی بێ-بنی پڕ کا!
بەتەمایە
خوێنی هەڵقرچاوی ساوا
بکاتە زێڕ و سەروەت و
لەم ٸاگرە،
سامانی ملیار-ملیاردی
کۆوەبکا!
بەڵام، هەی هاوار و هەی داد؛
گیرفانی بێ-بن چۆن پڕ بێ؟!
کە بێ-بنە، چلۆن پڕ بێ؟
٭٭٭
غەززەی غەمبار
غەززەی کێڵراو بە ٸێرەقی
دەبابەکانی سەرمایە،
کەی دەنیشێتە بەرهەمی
وشیاربوونەوە و ڕاپەڕین؟!
کەی ٸەدا بەژێر سەرتاپای
سەرمایەی ماڵ-وێرانکەرداو
ٸایینی هۆشبەری گەلان!؟
کەی بێ یەکجاري ڕزگار بێ
لە کەتنی ماڵ-وێرانی و خوێن؟؟
لە کەتنی ڕێگا-ون-کەری
دێوی دزێوی سەرمایە؟!
ٸەمجار ساوا و دایک و باوک
لە ٸامێزی ٸەوین بگرین
بەهەشتی بژوێنی خۆمان
لەسەر ٸەم ٸەرزە
پێک بێنین …
2024 01 12