خوشکی خۆشەویستی برات

خوشکی خۆشەویستی برات
                     دیسان سڵاوی گەرم و گەش
                     دیسان دڵدانەوەی ٸازار
                    وەرزی بەهار
                    وەرزی بەهار، وەرزی گوڵ،
                            زۆر حەیف بوو
                            ٸازیز بەڕێ کەینە ژێر گڵ!
                            بەهاران، هێرۆ گوڵ ٸەدا
                            هێرۆی تۆ، بەڵام، تازیەبار
                            شینی تەرمی ژێر گڵ ٸەکا!
       نووسیبووی بۆت
     ‌                  ڕەفێقم بوو
   ‌        ‌               ڕەفێقی جوانیم تا پیریم
  ‌                       درەو، دەسکەنە و زویریم
  ڕەفێقی خەم وخۆشیم بوو، ساڵەهای ساڵ
  ڕەفێقی پەروەردەی مناڵ
                  پشکووتن و سەرکەوتنیان
                  ڕەفێقی جەرگ-سووتانم
                  ‌            جارێک، دووجار…
                  ڕفێقی دەربەدەریم بوو
                  کۆچاوکۆچی زوڵمی زۆردار؛
                  زیندانی چەنای چەندجارە و
                                      ڕەنج و ٸازار
                  ڕەفێق بوون و پاڵپشتی یەک    ٸێستا، ٸەو نیە، وەک پاڵپشت؛
                بەڵام یادگارەکانی خۆ، ماون گشت
                  نابێ فرمیسک
                  چاوی ڕەشمان کاڵ کاتەوە؛
                  سەرهەڵبڕین
                  بڕوانینە بەهاری ژین
                  مناڵانی پێگەیشتوو،
               بەرهەمی ژینێکی سەربەرز
             بۆن-خۆشترین شنەی سەرعەرز